Kelly Clarkson është parë për herë të parë në publik që nga vdekja e ish-bashkëshortit të saj, Brandon Blackstock, gjatë një daljeje në aeroportin LAX.
Në fotografitë që janë siguruar nga Page Six, fituesja e "American Idol" është parë me veshje të zezë, ndërsa mbërriti në aeroport me motrën e saj Alyssa dhe fëmijët, River, 11 vjeç dhe Remington, 9 vjeç.
Kjo ishte hera e parë që Kelly ishte parë në publik që nga lajmi për vdekjen e ish-bashkëshortit të saj, Brandon Blackstock, në moshën 47 vjeçare më 7 gusht, pas një beteje private të gjatë me melanomën.
“Me pikëllim të thellë njoftojmë se Brandon Blackstock ka ndërruar jetë,” tha një përfaqësues i familjes për Page Six. “Brandon luftoi me guxim kundër kancerit për më shumë se tre vjet. Ai u nda nga jeta në mënyrë paqësore dhe ishte i rrethuar nga familja. Falenderojmë të gjithë për lutjet dhe kërkojmë që të respektohet privatësia e familjes gjatë kësaj periudhe të vështirë.”
Kellly nuk ishte parë në publik që nga momenti kur ajo njoftoi në Instagram se do të anulonte shfaqjet e saj të planifikuara në Las Vegas, për herë të dytë, për shkak të sëmundjes së Brandon.
“Edhe pse zakonisht e mbaj jetën time private, këtë vit babai i fëmijëve të mi ka qenë i sëmurë dhe në këtë moment duhet të jem plotësisht e pranishme për ta,” shkruante ajo, pak më pak se 24 orë para vdekjes së Brandon.
Sipas burimeve, artistja është ndjerë në faj pas vdekjes së Brandon për shkak të divorci të vështirë që ata kaluan dhe pasojave që ai mund të ketë pasur në shëndetin e tij.
“Kelly është e vetëdijshme për thashethemet që thonë se stresi mund të ndikojë në trup dhe ta bëjë dikë më të ndjeshëm ndaj kancerit,” tha një burim për Daily Mail. “Edhe pse mund të jetë një rastësi, ajo e di sa shumë tensioni i divorci dhe proceset ligjore e kanë lodhur Brandon.”
