Sam Asghari ka mohuar publikisht pretendimin e Britney Spears se martesa e tyre e shkurtër ishte thjesht një mashtrim nga problemet familjare të këngëtares.
“Martesa jonë ishte shumë reale për mua,” – tha aktori për revistën People përmes përfaqësuesit të tij.
“Mund të ketë qenë e shkurtër, por kemi qenë bashkë për shtatë vite. E kam dashur, do ta dua gjithmonë, dhe i uroj vetëm më të mirën.”
Deklarata e tij vjen pasi Spears postoi në Instagram – në një postim që tashmë është fshirë – se martesa me Asghari-n ishte një mënyrë për të përballuar ndarjen me djemtë e saj, Sean Preston dhe Jayden James, të cilët i ka me ish-bashkëshortin Kevin Federline.
“Ishim të martuar, por më dukej sikur ishte një mashtrim që më ndihmoi të përballoja atë periudhë,” – shkruante Spears, krahas një fotografie nudo, duke folur për vuajtjet që kaloi kur nuk kishte kontakt me fëmijët për tre vite.
Ndërkohë, këngëtarja zbuloi se është në një proces shërimi emocional. “E kuptoj që po shërohem sepse kam përsëri uri, si një fëmijë… çdo vakt më duket si hera e parë që ha,” – zbuloi ajo.
Britney Spears dhe Sam Asghari u lidhën në vitin 2016 dhe u martuan në qershor të vitit 2022. Por martesa e tyre zgjati vetëm deri në verën e vitit 2023, kur Asghari kërkoi divorcin për “mosmarrëveshje të pakapërcyeshme.” Divorci u finalizua në maj të vitit 2024.
