Greg Fitzsimmons ka ndarë detaje të pazakonta nga koha kur punonte për Ellen DeGeneres, duke e quajtur përvojën në “The Ellen DeGeneres Show” si sfiduese dhe shpesh toksike.
Fitzsimmons ishte pjesë e stafit për dy sezonet e para të emisionit që nisi në vitin 2003. Gjatë një interviste në podkastin “We Might Be Drunk”, ai tregoi hapur: “Ajo ishte e ashpër".
Pasi emisioni fitoi disa çmime Emmy, sipas Fitzsimmons, gjërat u përkeqësuan: “Kur u kthye në majë, u bë edhe më e keqe. Nëse nuk sugjeroje diçka që i pëlqente, të shihte sikur i kishe vrarë qenin.”
Ai përshkruan një ambient ku njerëzit ndiheshin të përjashtuar dhe të frikësuar: “Ishte një proces i shtyrjes së njerëzve jashtë rrethit të saj. Dhe ti doje të ishe brenda atij rrethi.”
Pas përfundimit të “The Ellen DeGeneres Show” në vitin 2022, që u mbyll mes akuzash për një ambient toksik pune, DeGeneres është tërhequr nga skena. Ajo dhe bashkëshortja e saj, Portia de Rossi, janë shpërngulur në Angli pas zgjedhjeve presidenciale në SHBA.
Në një intervistë të fundit në BBC, Ellen u shpreh: “Më mungon shfaqja. Do e bëja sërish, por njerëzit sot janë të shpërqendruar, gjithçka ndodh në telefona.” Megjithatë, ajo shtoi me ironi: “I dua pulat e mia, por jam paksa e mërzitur.”
