Policia e Shtetit ka vënë në pranga një punonjës të IMT-së në Tiranë, ndërsa ka shpallur në kërkim inspektorin, pasi akuzohen se kanë marrë ryshfet nga pronarët e bizneseve që të mos heqin çadrat/tendat nga që zinin hapësirat publike përreth subjekteve.
Uniformat blu bëjnë me dije se në pranga ka rënë shtetasi G. F., 33 vjeç, punonjës i IMT, bashkia Tiranë.
Në kërkim është shpallur shtetasi K. Zh., 35 vjeç, banues në Tiranë, inspektor i IMT, bashkia Tiranë.
Gjithashtu policia ka nisur procedimi penal për shtetasit E. Ç., 48 vjeç, banues në Tiranë, punonjës i IMT, bashkia Tiranë; A. E., 26 vjeç, banues në Tiranë, menaxher i një lokali në Tiranë.
Nga hetimet e kryera dyshohet se këta shtetas, gjatë kontrolleve në subjekte (lokale), për evidentimin dhe lirimin e hapësirave publike të zëna në kundërshtim me ligjin, iu kanë kërkuar para pronarëve të subjekteve, që të mos i hiqnin çadrat/tendat që zinin hapësirat publike përreth subjekteve.
