Me 29 të huaj në fushë e pankina, Flamurtari e Bylis i dhanë jetë një barazimi emocionues 3-3 në ndeshjen e javës së dytë të Superiores, që duhet të luhej në Vlorë, por u zhvillua në Ballsh, me akordin e dy klubeve (stadiumi Flamurtari nuk është gati). Maksuti, xhevahiri i pakët shqiptar i vlonjatëve, i sjellë në skuadër nga Apolonia në këtë sezon, shënoi dy herë, por po aq herë rikuperoi edhe Bylis.
[video width="644" height="360" mp4="https://cdnimpuls.com/lapsi.al/wp-content/uploads/2025/08/68b309beaa25c.mp4"][/video]
I dënuar nga një autogol i Rodriguez në debutimin kundër Elbasanit, në minutën e 5’ishin vlonjatët që festuan këtë herë kur Burard e dërgoi topin në portën e tij, duke dënuar Bylis. Një traumë që u përkeqësua kur Maksuti shënoi në minutën e 22’, duke dyfishuar shifrat. Efekti në fakt ishte i kundërt sepse reagimi i Bylis ishte i menjëhershëm.
[video width="640" height="360" mp4="https://cdnimpuls.com/lapsi.al/wp-content/uploads/2025/08/68b309c90a6ef.mp4"][/video]
Lexo më tej: FSHF zgjidh qesen: 3 milionë euro për klubet e Superiores dhe Kategorisë së Parë
Në minutën e 24’ Walisson ngushtoi diferencën duke rihapur lojën, pasi mundi portierin Aleksovski. Flamurtari u fut në kaos dhe pavarësisht se në pushim shkoi në avantazh e shpenzoi atë sapo rinisi loja. Muktar vërshon i pakontrastuar nga askush dhe diagonalja e tij është precise, duke rikthyer ekuilibrin 2-2 në minutën e 46’.
[video width="648" height="360" mp4="https://cdnimpuls.com/lapsi.al/wp-content/uploads/2025/08/68b313706a45b.mp4"][/video]
Tekniku i Flamurtarit Carlos Garcia shkund të tijtë, por inisiativa i mbetet të besuarve të Josës, që në fakt duhet të kishin bërë llogaritë më mirë me talentin Maksuti. Djaloshi shënoi golin e dytë personal dhe të tretin e Flamurtarit në minutën e 65’, këtë herë duke goditur saktë më kokë në harkimin nga këndi të Trashit. Festë e legjitimuar e sulmuesit, por nuk ka mbaruar sepse 5 minuta më pas Walisson përgjigjet edhe njëherë duke barazuar sërisht shifrat në 3-3. Dy pikë për Bylis, me dy ndeshje në shtëpi e një për Flamurtarin me dy ndeshje në transfertë, asnjë nga të cilat nuk përligj pritshmëritë që kishin skuadrat në këtë start kampionati.
[video width="644" height="360" mp4="https://cdnimpuls.com/lapsi.al/wp-content/uploads/2025/08/68b3193cef462.mp4"][/video]
