Konfliktet e viteve të fundit në veri të Kosovës kanë tërhequr vëmendjen e kinematografisë turke. Komunat veriore të vendit janë kthyer në shesh xhirimi.
“Gunesin Karaliginda Kosova” (“Kosova në errësirën e diellit”) është filmi turk që ka në qendër sulmet në veri. Prodhimi ka temë përpjekjet e inteligjencës për të parandaluar shpërthimin e mundshëm të një lufte në veriun e shtetit më të ri të Europës.
Filmi vjen në zhanret dramë, aksion dhe thriller politik ndërsa pjesë e tij janë edhe figurat kryesore të politikës kosovare. Trajtohet historia e një agjenti turk i cili zhvendoset në Kosovë ndërsa sillen për publikun edhe lidhjet intimet dhe ato shoqërore.
“Kosova në errësirën e diellit” është xhiruar në Turqi, Kosovë, Serbi dhe Bosnjë e Hercegovinë ndërsa do të shfaqet në kinema në Turqi më 5 shtator.
