Jacob Elordi, i njohur nga seriali “Euphoria”, iu desh të përballej me tensione në tapetin e kuq të Festivalit të Filmit në Venecia.
Në një video të shpërndarë në TikTok, 28-vjeçari shihet duke takuar fansa në premierën botërore të filmit të tij të ri, “Frankenstein”, ndërsa hyn në një debat të ashpër verbal me një prej zyrtarëve të festivalit.
[embed]https://www.tiktok.com/@mancrushdaily/video/7544506125471829270?_r=1&_t=ZP-8zM3hiXas2R[/embed]
“Do të bëj një foto këtu,” – dëgjohet Elordi t’i thotë punonjësit, duke shtuar më pas:
“Mos guxo të më thuash çfarë të bëj.”
Megjithatë, dëshmitarët thanë se aktori ishte shumë i sjellshëm me fansat dhe po bënte foto me sa më shumë njerëz që mundej.
Videoja ka marrë mbi 640 mijë shikime, ndërsa komentet online ishin të ndara: disa e quajtën sjelljen e Elordit “të pasjellshme dhe arrogante”, ndërsa të tjerë theksuan se punonjësi “po bënte thjesht punën e tij”.
Pavarësisht incidentit, mbrëmja përfundoi me emocion: pas shfaqjes së filmit, Elordi shpërtheu në lot gjatë ovacionit që zgjati plot 13 minuta, ndërsa u përqafua me regjisorin Guillermo del Toro dhe kolegun e tij Oscar Isaac.
Në adaptimin e ri të Netflix-it mbi romanin klasik të Mary Shelley, Elordi luan krijesën e Frankensteinit, Isaac merr rolin e doktorit Victor Frankenstein, ndërsa Mia Goth shfaqet si e dashura e tij.
Në kast përfshihen gjithashtu edhe Christoph Waltz, Lars Mikkelsen, Charles Dance e të tjerë.
Filmi pritet të ketë një publikim të kufizuar në kinematë botërore më 17 tetor, përpara se të debutojë në Netflix më 7 nëntor.
