, Ethan Hawke, ka folur së fundmi për rolin legjendar të Jack Dawson në filmin “Titanic”, një rol për të cilin ai ishte fillimisht në garë, por që përfundoi në duart e Leonardo DiCaprio-s.
Në një intervistë për British GQ, Hawke, 54 vjeç, u shpreh me sinqeritet për humbjen e rolit.
“Nuk mendoj se do ta kisha përballuar atë nivel suksesi aq mirë sa Leo. Ai ishte si një Beatle”, tha aktori.
Filmi “Titanic”, i regjisorit James Cameron, fitoi çmimin Oscar për Filmin më të Mirë dhe shënoi një moment kyç në karrierën e DiCaprios, i cili në atë kohë ishte vetëm 23 vjeç.
Ky rol i hapi rrugën për projekte të mëdha si “Catch Me If You Can” (2002), “The Aviator” (2004) dhe “Blood Diamond” (2006), për të cilin mori një nominim për Oscar.
DiCaprio fitoi më në fund çmimin Oscar për Aktorin më të Mirë në vitin 2016 me filmin “The Revenant”, pas disa herë kandidimesh të pasuksesshme.
Ndërkohë, Hawke ka ndërtuar një karrierë të qëndrueshme që nga sukseset e hershme si “Dead Poets Society” (1989), “Reality Bites” (1994) dhe “Before Sunrise” (1995). Në vitin 2001, ai u nominua për Oscar për rolin në “Training Day”.
Ai kujtoi një moment frymëzues me kolegun Denzel Washington gjatë ceremonisë:
“Denzel më tha: ‘Është më mirë që nuk fitove. Humbja është më e mirë.’” Hawke shpjegoi më tej: “Nuk duhet të jetë një çmim që ta rrit statusin. Ti duhet ta rritësh statusin e çmimit.”
