Policia shqiptare ka nisur hetimet në vendin tonë, në lidhje me gjetjen në Spanjë të trupit të pajetë të Miklovan Danajt, që sipas autoriteteve besohet se është vrarë.
Burimet bëjnë me dije se trupi i pajetë i gjetur në bregun e Marbellës në Spanjë më 24 gusht të këtij viti, i përket Miklovan Danaj, i njohur me emrin Keli, të cilit i janë gjetur dy palë dokumente shqiptare.
Hetimi po ndiqet nga pala spanjolle, e ndërsa mësohet së është përqendruar te pazaret e drogës.
Po ashtu, në funksion të hetimit policia shqiptare ka nisur me verifikimin në vendim tonë të marrjes në pyetje të familjarëve të Danajt, e po ashtu mbi dijeninë që ata kanë për aktivitetin e tij.
Po ashtu mësohet se ka nisur edhe verifikim në disa shtete si Itali apo Holandë.
Pak javë më parë të afërmit e Miklovan Danajt kanë marrë një telegram, që paralajmëronte për vdekjen e tij dhe u kërkonte të mos e kërkonin.
