Reperja e njohur Cardi B nuk i mbajti dot emocionet dhe reagoi me nervozizëm ndaj një fotografi në Los Angeles, pasi ai i bëri një pyetje “të pavend” lidhur me thashethemet për një shtatzëni të re.
Ngjarja ndodhi të martën, gjatë pushimit të drekës në mes të seancave gjyqësore për një proces civil ku ajo ishte e përfshirë. Teksa po largohej nga gjykata në Alhambra, një burrë nga turma i bëri pyetjen provokuese:
“Cardi, flitet se Offset po krenohet publikisht që je në pritje të fëmijës së katërt me reperin. A parashikon ndonjë problem me Stefon Diggs?”
Ky koment shkaktoi zemërim tek artistja, e cila pa hezitim hodhi një marker drejt burrit. Sipas mediave amerikane, markeri ishte marrë nga një fans që kërkoi autograf.
“Më respekto,” tha Cardi B me ton të ashpër. “A esheh ndonjë grua të më bëjë pyetje të tilla? Pse mendon se si burrë ke të drejtë të më flasësh në atë mënyrë? Të ka mësuar nëna të respektosh gratë.”
Pas incidentit, reperja u fut në makinë dhe u tha fansave se nuk do të përgjigjej më për pyetje të tjera:
“Ju nuk do të më shihni më pas kësaj, dhe falë atij. Nuk po luaj. Kam qenë e mirë dhe e sjellshme… por askush s’do ta marrë më këtë prej meje.”
Po atë ditë, juria shpalli vendimin në gjyqin civil ku Cardi B akuzohej për sulm dhe dhunë nga ish-truproja e saj, Emani Ellis. Juria vendosi unanimisht se reperja nuk ishte fajtore në padinë prej 24 milionë dollarësh, e ngritur për një incident të vitit 2018.
