Partia Socialiste ka njoftuar zhvillimin e mbledhjes së Asamblesë Kombëtare më 11 shtator 2025, në orën 09:30, pranë kompleksit “Xibraku”.
Sipas njoftimit, mbledhja do të hapet me miratimin e rendit të ditës, ndërsa më pas pritet fjala e kryetarit të PS, Edi Rama. Seanca do të vijojë me diskutime, pyetje e mendime nga anëtarët, si dhe çështje të ndryshme që do të trajtohen në fund.
Në komunikatën e shpërndarë nga Sekretari i Përgjithshëm i PS, Blendi Klosi, theksohet se pjesëmarrja e anëtarëve është e domosdoshme për vijimin e punimeve të Asamblesë.
