Jessica Simpson ka ngjallur reagime të shumta pasi u shfaq në tapetin e kuq të VMAs 2025, ku prezantoi edhe mikun e saj Ricky Martin me çmimin e parë Latin Icon Award.
Këngëtarja 45-vjeçare u shfaq me një fustan transparent të Christian Siriano, por pamja e saj e re la shumë fansa të konfuzuar.
“Është kjo Jessica Simpson? Nuk duket si ajo!”, shkroi një fans në rrjetin social X, ndërsa të tjerë e krahasuan me Addison Rae dhe modelen Brooks Nader.
Disa fansa spekuluan se ndryshimi drastik në pamje mund të jetë për shkak të facelift-it ose mbushjeve estetike. Megjithatë, pati edhe fansa që e mbrojtën: “Jessica duket mahnitëse, njerëzit duhet të pushojnë së kritikuari. Është 45 vjeç, nuk jemi më në vitet 2000”.
Kujtojmë se në autobiografinë e saj të vitit 2020, Open Book, Simpson pranoi se kishte kryer dy operacione në bark, njëra prej të cilave e kishte lënë të shtruar në spital për nëntë ditë për shkak të një infeksioni. Ajo shtoi: “Kirurgjia plastike nuk zgjidh problemet e brendshme. Është më shumë për mënyrën se si ndihesh emocionalisht, dhe unë ende isha e ashpër me veten pas heqjes së qepjeve. Kisha ende punë për të bërë.”
