Pas një dekade pauze nga muzika, Hilary Duff ka konfirmuar se po përgatit projekte të reja muzikore dhe një dokumentar personal.
Në një njoftim zyrtar u bë e ditur se këngëtarja dhe aktorja e njohur ka firmosur kontratë me Atlantic Records, ndërsa paralelisht po punon për një dokumentar të ri nën regjinë dhe produksionin ekzekutiv të Sam Wrench.
[embed]https://www.instagram.com/p/DOY0Gzikd-E/?utm_source=ig_web_copy_link[/embed]
Projekti do të sjellë një pasqyrë të sinqertë të jetës së Duff, ku fansat do të shohin nga afër sesi ajo balancon jetën familjare me rikthimin në muzikë, provat për koncertet live dhe përgatitjen për të performuar në skenë për herë të parë pas më shumë se 10 vitesh.
Më 27 gusht, Hilary përkujtoi 22-vjetorin e albumit të saj të dytë, “Metamorphosis”, duke falënderuar fansat për mbështetjen ndër vite dhe duke shtuar një mesazh intrigues: “To be continued…”.
Po ashtu, në qershor, ajo përkujtoi 10-vjetorin e albumit të fundit “Breathe In. Breathe Out.” (2015), duke e cilësuar si një projekt që nuk pati suksesin e madh të pritur, por që mbante këngë autentike.
