Jennifer Lopez dhe Ben Affleck kanë mbajtur marrëdhënie miqësore, një vit pasi finalizuan divorcin e tyre, sipas raportimeve të fundit.
“Gjërat mes Ben dhe Jennifer janë mirë, edhe pse nuk janë më bashkë,” tha një burim për People. Burimi shtoi se çifti “planifikon të qëndrojë pjesë e jetës së njëri-tjetrit” për hir të fëmijëve të tyre.
Lopez është nëna e binjakëve 17-vjeçarë Emme dhe Max, ndërsa Affleck ka tre fëmijë: Violet, 19, Seraphina, 16, dhe Samuel, 13. Sipas burimeve, fëmijët janë shumë të lidhur me njëri-tjetrin, ndajnë të njëjtin rreth shoqëror dhe flasin shpesh.
Një burim shtoi se Lopez është “një nënë e shkëlqyer dhe gjithmonë ka dhënë të njëjtën dashuri për fëmijët e Benit.” Megjithëse kontaktet e saj me Affleck janë më të rralla, ata sigurohen që fëmijët të kalojnë kohë së bashku sa herë që dëshirojnë.
Gjatë fundjavës së fundit, Lopez u pa duke bërë pazar me fëmijën më të vogël të Affleck në Beverly Hills. Ata gjithashtu drekuan së bashku, ndërsa hera e fundit që ishin parë bashkë ishte në gusht 2024.
Affleck ka lavdëruar vazhdimisht Lopez për marrëdhënien që ka me fëmijët e tij dhe për mbështetjen ndaj tyre, duke e quajtur atë një person “spektakolar”. Ai gjithashtu tha se mundohet të jetë një “baba i mirë” për fëmijët e tij.
