Shqipëria luan ndeshjen e rëndësishme në “Air Albania”, kundër Letonisë, që vlen shumë për kualifikimin në Botërorin 2026. Sylvinho, pas zhgënjimit të pësuar në përfaqësimin e lojtarëve në miqësoren me Gjibraltarin është kthyer te siguritë e tij. Tekniku brazilian ka publikuar formacionin zyrtar, duke mos bërë asnjë ndryshim në emrat e zakonshëm të tij.
Kështu, me Strakoshën të sigurtë mes shtyllave, në krahë u kthyen Hysaj e Mitaj, ashtu si edhe pritej në fakt. Gjimshiti është në qendër të prapavijës, gati të udhëheqë repartin me Ajetin në krah. Ai është preferuar para Kumbullës për shkak të forcës në luftën në ajër, duke patur parasysh lojën e letonezëve.
Lexo më tej: Shqipëria mezi mund vendin e 199 në renditje: një penallti shpëton teknikun Sylvinho
Mesfusha kthehet ajo e zakonshmja, me Asllani, që pasi pushoi me Gjibraltarin kthehet titular, ndërsa kompleton repartin me Shehun dhe Qazim Laçin, gjithashtu i rikthyer nga minuta e parë. Eksperimentet mbaruan dhe Shpendi e Daku kthehen të shohin Manajn në qendër të sulmit të kombëtares. Broja do të luajë në krahun e djathtë të ofensivës, ndërsa kush priste Hoxhën, duhet të qetësohet sepse në të majtë luan Akoma Bajrami.
