Henry Cavill ka pësuar një dëmtim gjatë stërvitjes për versionin e ri shumëpritur të “Highlander”-it.
Aktori ka pësuar një dëmtim të pacaktuar, i cili është mjaft serioz për të vonuar xhirimet, sipas një raportimi nga Deadline. Produksioni i filmit tani do të fillojë në vitin 2026.
Cavill është duke luajtur në versioni e ri të filmit të vitit 1986, “Highlander,” i cili në versionin origjinal kishte si aktorë Christopher Lambert dhe Sean Connery.
Në versionin e ri të këtij filmi fantazi dhe aksion, Cavill do të luajë një personazh të rëndësishëm dhe do të bashkëpunojë me një kast të shkëlqyer aktorësh, përfshirë Russell Crowe, Dave Bautista dhe Djimon Hounsou.
Filmi i ri do të fokusohet rreth një luftëtari të pavdekshëm skocez që përballet me luftëtarë të tjerë të pavdekshëm për të fituar një aftësi të lakmuar. Regjisori i filmit do të jetë Chad Stahelski, i njohur për regjizimin e hitit "John Wick" të vitit 2014.
Filmi origjinal “Highlander” u publikua në vitin 1986 dhe është një klasik i kultit. Cavill ka thënë se ky projekt është prioriteti i tij për këtë verë. Në një intervistë për Hollywood Reporter në korrik, ai shprehu entuziazmin për këtë projekt: “Ky është një projekt që më emocionon shumë. Ky personazh do të jetë shumë argëtues për ta luajtur, dhe jam duke e shijuar çdo moment që punoj me Chad Stahelski. Ai është një njeri shumë i talentuar.”
Në jetën e tij private, Cavill ka mbajtur gjithmonë një profil të ulët. Ai mirëpriti një vajzë me partneren e tij, Natalie Viscuso, në janar të vitit 2025. Çifti bëri debutimin e tij publik në vitin 2022 në premierën e filmit "Enola Holmes 2".
