Seth Rogen ka rrëmbyer çmimin e tij të parë Emmy në karrierë gjatë ceremonisë të Primetime Emmy Awards 2025, të mbajtur më 14 shtator në Peacock Theater në Los Angeles.
Aktori u shpall Aktori më i Mirë në një Serial Komedi, duke lënë pas emra si Adam Brody (Nobody Wants This), Jason Segel (Shrinking), Jeremy Allen White (The Bear) dhe Martin Short (Only Murders in the Building).
Gjatë fjalimit Rogen u shpreh:
“Kjo është e pabesueshme. Nuk e besoja që do ndodhte, ndaj nuk përgatita asgjë. S’kam fituar asgjë në jetën time. Kur isha fëmijë, bleva një trofe bowling për fëmijë në një ankand, dhe prindërit më thanë: ‘Po, ide e mirë. Bleje.’”
Ai falënderoi bashkëshorten, nënën e tij, ekipin e serialit, skenaristët, aktorët që kanë marrë pjesë në serinë "The Studio" dhe përfundoi me:
“Nuk di çfarë të them më shumë. Është kaq bukur. Ju falënderoj të gjithëve!”
Rogen jo vetëm që luan në serialin Apple TV+, por është edhe krijues, regjisor dhe skenarist i tij, së bashku me bashkëpunëtorin e tij të përhershëm Evan Goldberg. Ai luan rolin e Matt Remick, drejtori i një studioje fiktive në Hollywood që përballet me presion të madh nga industria.
Në një intervistë për PEOPLE, Rogen u shpreh:
“Seriali është reflektim i mendimeve tona për Hollywood-in — frustrimet, zhgënjimet, por edhe magjia që ekziston në të.”
Gjithashtu, pjesë e kastit janë emra të njohur si Ike Barinholtz, Catherine O’Hara, Kathryn Hahn, Bryan Cranston, Dave Franco, Ron Howard, Anthony Mackie, Martin Scorsese dhe Zoë Kravitz — shumë prej tyre gjithashtu të nominuar për interpretimet e tyre në serial.
