Orët e paradites do të dominohen nga kthjellime dhe kalime vranësirash ku më të theksuara kthjellimet priten në vijën bregdetare ndërsa vranësira më të dukshme priten në zonat malore Lindore.
Pas mesditës dhe në vijim vranësirat do të bëhen të dukshme në të gjithë territorin e vendit duke sjellë në orët e vona të natës shira të izoluara në skajin verior dhe verilindor.
Temperaturat e ajrit do të rriten në të dy vlerat ekstremale ditore duke u luhatur nga 12°C temperatura më e ulët e shënuar në Bulqizë deri në 33°C vlera më e lartë e cila pritet në qarkun e Beratit.
Era do të fryjë e lehtë duke arritur shpejtësinë 25 km/h nga drejtimi Veriperëndimor; kjo do të bëj që në brigjet detare të krijohet dallgëzim i papërfillshëm.
