Në ndeshjen hapëse të javës së katërt të Serie A, Juventus ngadalëson hapin, i ndalur nga Verona. Skuadra e Igor Tudor dështon të arrijë pokerin e fitoreve në kampionat: në Bentegodi përfundon 1-1. Bardhezinjtë gjithsesi mbeten të parët në renditje në pritje të Napolit, i angazhuar të hënën kundër Pisës. Ndeshjen e zhbllokon Conceiçao në minutën e 19’: portugezi fiton një përplasje me Bernede, kalon qartë Serdar dhe nga jashtë zonës lëshon një të majtë tokazi që mposht Montipò. Hellas gjen barazimin në minutën e 44’: Joao Mario prek topin me dorë, nga penalltia Orban nuk gabon dhe shënon golin e tij të parë në Serie A. Në pjesën e dytë u anulua një gol i Serdar për pozicion jashtë loje, Di Gregorio i vëmendshëm ndaj Orban dhe Frese. Keq Vlahovic, i reshtuar titullar nga Tudor, pas proves brilante me Dortmund në Champions.
Lexo më tej: Juventus fiton ndeshjen e çmendur me 7 gola: Super Yildiz e Adzic dënojnë Inter
Ndalet ecuria e Juventus me pikë të plota në krye të renditjes së Serie A: bardhezinjtë bllokohen në 1-1 në Verona nga Hellas i teknikut Zanetti. Golit të Conceiçao në minutën e 19’ i përgjigjet Orban me penallti në të 44’, pas një faulli me dorë të Joao Mario të pikasur në VAR nga Aureliano dhe të dhënë nga arbitri Rapuano pas rishikimit në fushë. Në një ndeshje me ritëm të lartë, të fortë dhe të ekuilibruar, të dyja skuadrat luftojnë në gjithë fushën dhe, në fund, për të vendosur janë një goditje individuale dhe një episod. Dhe për trajnerin e Juves nuk shërben asgjë futja në pjesën e dytë e Openda, David, Adzic dhe Zhegrovës. Me këtë rezultat, Juventus mbetet në krye të renditjes me 10 pikë, por të hënën mund të parakalohet nga Napoli, që pret Pisën. Për Veronën, përkundrazi, ky është barazimi i tretë në 4 ndeshje.
Polemikat
“Announcement” ende në fazën e testimit për arbitrat e Serie A. Në minutën e 41-të të ndeshjes së kampionatit në Bentegodi, ku Verona priti Juventus, kontroll Var nga arbitri Rapuano për një faull të supozuar me dorë të Joao Mario në zonë dhe penallti e dhënë për vendasit. Në këtë moment mbërrin shpjegimi i gjyqtarit për publikun mbi vendimin e marrë, por Rapuano gabon numrin e fanellës së autorit të faullit: “Faull shumë i qartë me dorë i numrit 15”. Por numri 15 është Kalulu, larg nga aksioni, dhe jo portugezi i ardhur te bardhezinjtë nga Porto, që mban numrin 25. Dhe në rrjetet sociale shpërthen zemërimi i tifozëve bardhezi për një mungesë përjashtimi të lojtarit të Veronës, Orban, për sjellje të dhunshme ndaj Gatti: arbitri nxori të verdhën.
