Kryeministri i vendit, Edi Rama teksa mori pjesë në platformën “Startup Albania”, u ndal te shpikja e tij propagandistike “Diella” duke theksuar se në publik ka një keqkuptim të madh për të.
Gjatë fjalës së tij, Rama zbehu madhështinë e “Diellës”.
Kryeministri pohoi se “Diella” nuk do të marrë vendime, por do të procesojë të dhënta në mënyrë shumë të shpejtë, duke u dhënë qytetarëve përgjigje të shpejta.
Lexo më tej: Diella, ministri ideal i Edi Ramës
Ai theksoi se vendimet do t’i marrë sërish qeveria, pra me pak fjalë, asgjë nuk ka ndryshuar në qasjen e qeverisjes përkundër propagandës, e cila mbushi jo vetëm mediat shqiptare, por edhe ato ndërkombëtare.
“Në këto kushte kjo është sfida jonë e momentit dhe do të përpiqemi që ta përmirësojmë dhe të lidhim startup-et me e-Albania. Dhe jam i bindur që do të kemi një platformë të suksesshme. Ka shumë keqkuptime, jo domosdshmërit refuzime të bashkuar në argumente. Ministrja e Inteligjencës Artificiale nuk do të marrë vendime, ne do të marrim vendime. Nuk po i delegojmë asaj përgjegjësinë për të marrë vendime, ne po i japim asaj që të procesojë të dhënat në mënyrë shumë të shpeshtë dhe të na japë përgjigje shumë të shpejta. Është një platformë që do të procesojë të dhënat, të gjithë do të shohin se kush ka fituar dhe kush jo. Është shumë e thjeshtë, është kapaciteti për të pocesuar pa u kushtëzuar, edhe nga burokracia. Fillimi i burokracisë është jo, ndërsa Diella nuk thotë asnjëherë jo, nuk fle asnjëherë gjumë, nuk ka orarin e drekës”, tha kryeministri Rama.
