Reperi i njohur, A$AP Rocky ka reaguar ndaj aludimeve se ai dhe Rihanna janë martuar, në një intervistë të re për revistën Elle.
Kur u pyet nëse mezi pret të martohet, ai u përgjigj: “Nga e di ti që nuk jam martuar?” Më pas qeshi dhe shtoi: “Nuk do ta konfirmoj.”
Në të njëjtën intervistë, Rocky foli për mënyrën se si ai dhe Rihannai mbajnë punën dhe jetën personale të ndara.
“Kur kthehesh në shtëpi, është për familjen, për marrëdhënien, për shtëpinë tënde. Nuk është për gjëra të tjera,”tha ai.
A$AP Rocky dhe Rihanna janë prindër të dy djemve, RZA, 3 vjeç, dhe Riot, 2 vjeç, dhe janë duke pritur fëmijën e tyre të tretë. Reperi tregoi për Elle se shpreson që të jetë vajzë.
“Shpresoj që të jetë vajzë. Me të vërtetë. Lutemi për një vajzë,” tha ai. “Herën e parë e dëshironim të dinim gjininë, herën e dytë jo, e tani herën e tretë nuk duam ta dimë deri në momentin e lindjes.”
Reperi shtoi: “Kam një ndjesi që do të jetë vajzë. Kjo shtatzëni është krejt ndryshe nga dy të parat. E ndjen në përvojë. Më duhet një vajzë.”
Lidhja mes A$AP Rocky dhe Rihanna u konfirmua në nëntor 2020, pasi muaj më parë qarkulluan thashetheme për romancën e tyre. Në dhjetor të atij viti, ata kaluan së bashku sezonin e festave në Barbados, vendlindjen e Rihanna-s.
