Reperja Cardi B ka bërë akuza të forta ndaj ish-bashkëshortit të saj, Offset, duke thënë se ai po përpiqet ta mbajë “peng” edhe më shumë se një vit pas kërkesës për divorc.
Gjatë një transmetimi live në X më 22 shtator, Cardi, 32 vjeçe, u shpreh se arsyeja pse ajo është ende ligjërisht e martuar është sepse dikush dëshiron që ajo të paguajë taksat e tyre.
“Doni të dini të vërtetën? E vetmja mënyrë që unë të dal nga martesa është nëse paguaj taksat e dikujt tjetër, edhe pse unë i paguaj taksat e mia, dhe u jap atyre një prej pronave të mia,” tha ajo. “Do të luftoj për këtë. Kjo nuk ka të bëjë me dashurinë, unë nuk do të ndaloj së jetuari jetën time.”
Megjithëse Cardi B dhe Offset janë “ligjërisht të ndarë,” ajo tha se marrëdhënia mes tyre duket sikur nuk ka ndryshuar.
“Ligjërisht, jam ende e martuar sepse dikush po më mban peng nëse nuk i jap miliona dollarë që të dal nga kjo martesë,” tha reperja.
Cardi dhe Offset filluan të takoheshin në vitin 2017 dhe u martuan në të njëjtin vit. Ata kanë tre fëmijë së bashku dhe kanë pasur një marrëdhënie të ndërlikuar me ndarje dhe ribashkime.
Në fillim të këtij muaji, Cardi bëri me dije se është shtatzënë me partnerin e saj aktual, lojtarin e New England Patriots, Stefon Diggs, duke reaguar kundër kritikëve .
“Kam tre fëmijë me një burrë që eumartova,” tha ajo. “Po, jam shtatzënë me dikë tjetër. E çfarë? Kjo është jetë.”
Cardi theksoi se pavarësisht se nuk ka finalizuar ende divorcin, ajo është ligjërisht e ndarë dhe se ka bërë gjithçka “si duhet” gjatë martesës së parë, e cila zgjati shtatë vjet.
