Kryeministri Edi Rama ishte sot i pranishëm në eventin e Forbes Global Properties, rrjeti ndërkombëtar imobiliar që hap dyert në Shqipëri përmes përfaqësuesit ekskluziv Capital Point.
Eventi u mbajt në ambientet e Pallatit të Brigadave në Tiranë.
Në fjalën e tij gjatë eventit, Rama theksoi se për vendin është shumë e rëndësishmë që të blihen prona të paluajtshme nga të huajt.
“Të shoh CEO që vjen këtu nga SHBA për të kremtuar këtë mbrëmje, është arritje mjaft e madhe U çudita pak sepse kur ju ofrua përkthim nga shqipja në anglisht, refuzoi. Mësova se në fakt nuk ka lidhje me rrënjë shqiptare, kështu që do ma thuash pse nuk deshe përkthim.
Dua t’ju uroj mirëseardhjen të gjithëve ju. Më e mira s’ka ardhur ende. Në të kundërt nuk do të kishit vënë këmbë në Shqipëri. Shqipëria sot është një destinacion shumë tërheqës dhe është një gjë shumë e mirë të dish që Forbes ka një shprehje shumë të fortë interesi për Shqipërinë. Është mirë të dihet që ata nuk shkojnë kudo, ata shkojnë aty ku mendojnë se ka një horizont të ri. Ky është lajm i mirë për të gjithë ata që janë të përfshirë në industrinë e pasurive të paluajtshme.
Në një vend që ka përqindjen më të madhe të shtëpive që zotërohen nga njerëzit, është e jashtëzakonshme që vlera e shtëpisë si pasuri të rritet në mënyrë të tillë. Prandaj është një zhvillim shumë i rëndësishëm.
Po përjetojmë ndryshime të mëdha të vlerës së pasurive të patundshme. Jam ftuar të mirëpres disa kapitalistë amerikanë. Kemi nevojë për ta. Na duhen për të gjithë ata që duan të blejnë prona të paluajtshme në Shqipëri”,-tha Rama.
