Rita Ora, ka marrë së fundmi miratimin për të ndërtuar një palestër në kopshtin e vilës së saj luksoze që ndodhet në Londër, me vlerë rreth 8.5 milionë euro.
Projekti është përballur me kundërshtime të forta nga banorët e zonës, të cilët kanë shprehur shqetësime për prishjen e qetësisë, ndriçimin e tepërt dhe ndikimin në ekologjinë natyrore.
Ata e konsideruan strukturën si një “pavijon zhurmash dhe drite”, që rrezikon të cenojë privatësinë dhe harmoninë e lagjes.
Në një peticion kolektiv, fqinjët theksuan se ndërtimi bie ndesh me rregullat e zonës që ndalojnë mbledhjet e mëdha, duke paralajmëruar për konflikte të mundshme.
Pavarësisht kundërshtimeve, autoritetet dhanë miratimin, pasi projekti rezultoi brenda rregullave urbanistike. Një burim pranë Orës tha se këngëtarja ka vepruar në mënyrë të ligjshme dhe nuk synon të prishë harmoninë e lagjes.
