Nicole Kidman u shfaq për herë të parë me motrën e saj Antonia, vetëm një ditë pasi depozitoi kërkesën për divorc nga bashkëshorti i saj prej 19 vitesh, këngëtari i muzikës country, Keith Urban.
Në fotografitë e siguruara nga Daily Mail, Kidman shihet gjatë një shëtitjeje në Nashville, Tennessee. Kjo shëtitje ndodhi pranë shtëpisë prej 4 milionë dollarësh ku dikur jetonte me Urban.
Lidhja e tyre përfundoi pas një periudhe ndarjeje, me Kidman që kërkoi divorc duke përmendur “dallime të pakapërcyeshme”. Sipas dokumenteve të divorcit, ata kanë rënë dakord për një plan prindërimi ku Kidman do të ketë kujdestarinë për 306 ditë në vit, ndërsa Urban për 59 ditë.
Burime pranë çiftit tregojnë se Urban mund të jetë duke takuar një grua tjetër, ndërsa Kidman ndjehet e tronditur dhe e tradhtuar.
Përveç mbështetjes nga motra, Nicole po bën edhe shumë biseda me mikeshën e saj të ngushtë, Naomi Watts, e cila e ka kaluar një ndarje të dhimbshme në publik.
Një burim i tha Daily Mail:
“Nicole ka biseduar shumë me Naomi për mënyrën se si duhet të përballojë këtë situatë. Naomi i ka dhënë këshilla të mençura, sepse ajo vetë ka kaluar diçka të ngjashme. Ajo i ka thënë të jetë sa më e sinqertë me publikun, të thotë gjithçka hapur dhe pastaj të ecë përpara.”
