Taylor Swift është rikthyer në “The Tonight Show” me Jimmy Fallon, ku gjatë episodit ajo foli hapur për thashethemet që e kanë ndjekur së fundmi – përfshirë edhe ato për Super Bowl, martesën e Selena Gomez dhe fejesën e saj me Travis Kelce.
Kur Fallon e pyeti nëse është e vërtetë që ajo e ka refuzuar mundësinë për të performuar në halftime show të Super Bowl për shkak të “pamjeve nga performanca, Swift u përgjigj prerë: “Jo.”
“Ja si qëndron puna,” – nisi Swift sqarimin. “Jay-Z ka qenë gjithmonë shumë korrekt me mua. Ekipet tona janë afër. Ndonjëherë telefonojnë dhe pyesin ‘si ndjehet Taylor për këtë’, por nuk është një ofertë zyrtare. Dhe ne kemi luksin t’u themi të vërtetën.”
Swift sqaroi se nuk ka lidhje me Jay-Z, as me NFL-in, por me faktin se është shumë e përfshirë emocionalisht në ndeshjet e të fejuarit të saj, Travis Kelce, i cili luan në të njëjtin stadium.
“Jam e dashuruar me një burrë që luan këtë sport, në këtë fushë. Dhe është shumë stresuese ta shoh në fushë. Është si shah i dhunshëm. Si gladiatorë pa shpata.”
“Unë jam e fiksuar me atë që ai po bën në fushë. Imagjinoni që ai është aty, çdo javë, duke rrezikuar jetën në një sport të egër e me presion të lartë… dhe unë të mendoj: ‘Cila koreografi do ishte më e përshtatshme? Po sikur të filloj me Shake It Off dhe të kaloj te Cruel Summer?’” – tha Swift me humor.
Ajo shtoi se Travis do të donte shumë që ajo të performonte, por: “Jam thjesht shumë e përfshirë emocionalisht për ta bërë.”
