Selena Gomez postoi të enjten, më 9 tetor, një Story në Instagram ku festonte rolin e saj në vazhdimin e serialit të famshëm Wizards of Waverly Place, të titulluar Wizards Beyond Waverly Place. Në të njëjtën kohë, ajo ndau edhe një dëshirë personale shumë të veçantë.
“Alex Russo është bërë nënë ,” shkroi Gomez, duke iu referuar personazhit të saj në serial. “Shpresoj që një ditë të jem edhe unë.”
Selena dhe bashkëshorti i saj, producenti Benny Blanco, kurorëzuan dashurinë e tyre në martesë më 27 shtator në Montecito, Kaliforni. Në një intervistë të dhënë në mars për podcastin e Jay Shetty, çifti u shpreh i emocionuar për të ardhmen e tyre si prindër.
“Nuk e di çfarë do të ndodhë, por e di që i dua fëmijët,” tha Gomez. “Më pëlqen t’i bëj ata të qeshin, janë kaq të ëmbël. Prandaj, kur të vijë ajo ditë, do të jem shumë e lumtur.”
Blanco shtoi se Selena ka një lidhje të veçantë me fëmijët. “Kur sheh fëmijë, ajo shkon menjëherë tek ta dhe mund të qëndrojë me orë të tëra duke biseduar,” tha ai. “Ti e ke nisur karrierën që e vogël dhe ndoshta kjo ka qenë mënyra jote për t’u lidhur me njerëzit. Dhe mendoj se ende e ndjen detyrimin për të pasur një ndikim tek fëmijët.”
