Supermodelja Gigi Hadid është duke shijuar premierën e filmit më të ri të Bradley Cooper, Is This Thing On?, i cili u shfaq për herë të parë në Festivalin e Filmit në New York më 10 tetor 2025 dhe do të dalë në kinematë amerikane më 19 dhjetor.
Për të shënuar këtë moment të veçantë, Hadid postoi në Instagram Stories një foto nga një dhomë private shfaqjeje, ku shihet e rehatuar teksa ndjek filmin.
“Nata e premierës! Urime dashuria ime!”, shkroi ajo krahas fotos, duke shtuar edhe një mesazh urimi për pjesën tjetër të kastit dhe ekipin e produksionit: “Shkoni shiheni @isthisthingonfilm! Më 19 dhjetor!”
Në film, Cooper luan përkrah emrave të njohur si Will Arnett, Laura Dern dhe Andra Day, në një komedi-dramë që pritet të jetë një nga prodhimet më të përfolura të fundvitit.
Gigi Hadid, 30 vjeç, dhe aktori fitues i çmimeve Bradley Cooper, 50 vjeç, janë parë për herë të parë së bashku në tetor të vitit 2023, gjatë një darke në restorantin e njohur Via Carota në New York City. Por marrëdhënia e tyre u bë publike vetëm në maj të këtij viti.
Më 3 maj, me rastin e ditëlindjes së saj të 30-të, Hadid ndau në Instagram disa foto nga festa, mes tyre edhe një imazh romantik ku ajo dhe Cooper ndajnë një puthje përpara një torte.
“Jam me fat që jam 30! Me fat për çdo ngritje e rënie – për mësimet dhe dhuratat që më kanë sjellë,” shkroi ajo në mbishkrim. “Jam me fat që jam nënë, mike, partnere, motër, bijë, kolege e disa prej njerëzve më të pabesueshëm.”
Një burim pranë çiftit tregoi për revistën People më 7 tetor se “Familja e Gigit është shumë e lumtur për të dhe ata e adhurojnë Bradley-n.” I njëjti burim shtoi se aktori, i cili ka një vajzë 8-vjeçare me ish-partneren Irina Shayk, “është një zotëri i vërtetë dhe përshtatet në mënyrë të përkryer me familjen e Gigit.”
