Jennifer Aniston ka folur për herë të parë rreth vendimit të saj për të mos adoptuar një fëmijë, pavarësisht betejës së gjatë me infertilitetin.
Gjatë një episodi të fundit të podcast-it “Armchair Expert”, Aniston, 56 vjeç, foli për paqen që ka gjetur me faktin që nuk është bërë nënë dhe pse nuk ka ndjekur rrugën e adoptimit, siç shumë njerëz i kanë sugjeruar ndër vite. “Kur njerëzit më thonë: ‘Po mund të adoptosh’, unë them: Nuk dua të adoptoj,” tha aktorja e serialit “Friends”. “Unë dua të kem një fëmijë me ADN-në time. Kjo është e vetmja mënyrë. Egoiste apo jo, kjo është ajo që kam dashur gjithmonë.” Jennifer pranoi se ka kaluar një periudhë shumë emocionale gjatë viteve të përpjekjeve për të krijuar një familje. “Ka një moment kur kupton që gjithçka është jashtë kontrollit tënd. Nuk mund të bëja asgjë më shumë,” Në vitin 2022, Aniston zbuloi për revistën Allure se ajo dhe ish-bashkëshorti i saj Brad Pitt kishin provuar trajtime IVF gjatë martesës së tyre (2000-2005). “Kam bërë gjithçka për ta bërë të mundur. Do të kisha dhënë gjithçka që dikush të më kishte thënë në kohë: ‘Ngri vezët’. Nuk e mendon kur je e re,” u shpreh ajo me keqardhje. “Sot, ajo derë është mbyllur. Nuk ka më ‘po ndoshta’ – dhe kjo më jep paqe.” Pas divorcit nga Brad Pitt dhe më pas nga Justin Theroux (me të cilin ishte e martuar nga 2015 deri në 2017), Aniston është parë kohët e fundit në shoqërinë e hipnoterapistit Jim Curtis.
