Lopetegui rrëzohet i goditur me top nga lojtari i tij: “Prapë do e marr në Botëror”

Julen Lopetegui, trajneri spanjoll në krye të Katarit, ka qenë protagonist i një episodi kurioz gjatë ndeshjes së fituar 2-1 kundër Emirateve të Bashkuara Arabe, sfidë që i dha kombëtares katariote kualifikimin historik në Kupën e Botës 2026. Gjatë ndeshjes, ish-trajneri i Real Madrid dhe Sevilla u godit fort nga një top ndërsa ndodhej pranë vijës anësore. Ironikisht, “fajtori” ishte një lojtar i skuadrës së tij. Trajneri, në mikrofonat e programit El Partidazo de COPE, e mori me shaka: “Po, ishte një nga të mitë! Por është një djalë që me siguri do ta çoj në Botëror. U ngrita përpara se të mbaronte numërimi deri në dhjetë… e përballova!”.

Blauw oog voor Qatar-bondscoach Julen Lopetegui 😵🇶🇦 pic.twitter.com/CJ9n8TEBtQ

— ESPN NL (@ESPNnl) October 14, 2025

Trajneri e komentoi episodin i qeshur: “Më goditi vërtet fort”

Mes të qeshurash në studio, gazetari Juanma Castaño ironizoi: “Besoj se regjisori televiziv nuk e tregoi skenën sepse mendoi se ishe i fikur…”.

Lopetegui e çon Katarin në Botëror: kualifikimi i parë në histori

Julen Lopetegui ka shkruar një faqe historike për futbollin e Katarit. Me fitoren 2-1 ndaj Emirateve të Bashkuara Arabe, trajneri spanjoll e ka drejtuar kombëtaren e Lindjes së Mesme drejt kualifikimit të parë në historinë e saj në Kupën e Botës. Një arritje e jashtëzakonshme, e ardhur në fund të një ndeshjeje plot emocione… dhe me një episod kurioz. Pas ndeshjes, Lopetegui, në mikrofonat e Radioestadio Noche në Onda Cero, deklaroi: “Duket sikur jeta më detyrohej një Botëror dhe sot më në fund e mora.” Për ish-trajnerin e Spanjës dhe Real Madridit, kjo është një lloj hakmarrjeje personale. Në vitin 2018, Lopetegui ishte shkarkuar nga drejtimi i kombëtares iberike vetëm pak ditë para fillimit të Botërorit në Rusi, pas njoftimit për marrëveshjen e tij me Real Madridin: “Atëherë nuk munda ta përjetoja përvojën e Botërorit, por tani kam një mundësi ta bëj, me një projekt të ri dhe emocionues.”

Here we go again!🎬 Champion of the biggest continent 🌏 Heading to the FIFA World Cup 2026! 🏆 pic.twitter.com/D9n2filTcA

— Qatar Football Association (@QFA_EN) October 14, 2025

Lexo më tej: Real i pamëshirshëm me Lopetegui: "Tetë kandidatë për Topin e Artë dhe këto përfaqësime, e papranueshme"

Trajneri, në detyrë prej vetëm pesë muajsh, deshi të theksonte rëndësinë e momentit: “Është një ditë historike për vendin, diçka që nuk kishte ndodhur kurrë më parë. Atmosfera ishte e pabesueshme, djemtë dhanë gjithçka dhe e meritojnë këtë gëzim. Kemi punuar fort për muaj me radhë dhe më në fund mund të themi se jemi në Botëror.” Duke parë drejt së ardhmes, Lopetegui tashmë ka në mendje hapat e radhës: “Kemi një skuadër me përvojë, madje me disa lojtarë mbi të dyzetat, por do të duhet ta rinovojmë dhe përmirësojmë grupin në prag të vitit 2026. Tani megjithatë është koha për ta shijuar këtë arritje.” Një sukses që ka shpërthyer në festë në gjithë Katarin, ndërsa tek tifozët e Emirateve të Bashkuara Arabe është rritur zhgënjimi për një mundësi të humbur. Për Lopeteguin, në të kundërt, kjo është hakmarrja e një karriere që, pas shumë rëniesh, më në fund po kthehet të shkëlqejë nën dritat e Botërorit.