Kryetari i Grupit Parlamentar të PS, Taulant Balla gjeti një arsye pse në Parlament çdo kërkesë e opozitës për mocion me debat nuk pranohet.
Sipas Ballës, këto kërkesa nuk do të pranohen nëse bien ndesh me rregulloren.
Duke harruar se PS mbyll prej 7 seancash Kuvendin dhunshëm, pa asnjë debat, Balla iu drejtua opozitës duke i thënë tha se kërkesat i sjellin të shtrembëruara sepse nuk duan debat.
Ai i kujtoi se janë gati të miratojnë cdo kërkesë, por të jetë sipas rregullave dhe jo thashetheme tavoline.
“Mund të bëjmë një mocion me debat për çështjen që lidhen me rrugën tonë evropiane. Qeveria ka detyrimin të sjellë raporton dhe ai është mocion me debat.
Ju i sillni kërkesat të mangëta dhe të shtrembëruara sepse nuk doni debat. Unë nuk pranoj asnjë kërkesë që bie ndesh me rregulloren.
Kërkesat sillini sipas rregullores ose nuk do keni asnjëherë dakordësi. Duhet të kuptoni diçka, jemi të gatshëm të miratojmë çdo kërkesë që të jetë e bazuar në rregullore dhe të mos sillni thashethemet e tavolinave”, tha Taulant Balla.
