Personi që shihet në videon më poshtë është Aldo Avdyli, vrasës me pagesë, i arrestuar disa ditë më parë. Ndaj tij rëndojnë akuza të rënda dhe dyshimet janë se ka kryer disa nga ekzekutimet më të bujshme të ndodhura vitet e fundit, sipas porosive që vinin në grupin e Avdylajve. Në filmimin e shpërndarë nga kreu i PD, Sali Berisha Avdyli dëgjohet që i drejtohet personit që e filmon dhe që Berisha thotë se është i lidhur me grupin e "Pojës", një tjetër bandë e zonës së Durrësit dhe që sipas opozitës ka lidhje të ngushta me qeverinë.
