Ireland Baldwin, vajza e aktorëve të njohur Alec Baldwin dhe Kim Basinger, është rrëfyer hapur për jetën e saj personale dhe marrëdhëniet familjare në një postim emocional në Substack, pak ditë para ditëlindjes së 30-të.
Në blogun e titulluar “30, Flirty, and Surviving”, modelja foli për fëmijërinë e saj të vetmuar dhe për vendimet që ka marrë për të ndërtuar një familje ndryshe nga ajo ku është rritur.
“U rrita pa dy prindër në shtëpi dhe pa vëllezër e motra ku të mbështetesha. Shpesh ndihesha vetëm,”shkroi Ireland.
“Hyj në të 30-at me më pak peshë mbi supe. Peshën e familjarëve narcisistë, të paqëndrueshëm dhe të varur që mendoja se më duheshin në jetë.”
Ireland rrëfeu se për vite me radhë kërkonte miratim nga disa anëtarë të familjes së saj, por tani e kupton se kjo sjellje buronte nga një mungesë dashurie në fëmijëri.
“Asgjë nuk më ka çliruar më shumë sesa të kuptoja sa helmues ishin disa njerëz. Po i ndërpres këto cikle, që vajza ime të mos i njohë kurrë këta persona.”
