Nicki Minaj ka ndezur rrjetin sërish pas një postimi provokues ku ndante një foto të reperit JAY-Z të veshur me paruke rozë dhe bluzë të shkurtër.
Fotoja ishte e shoqëruar me mbishkrimin “Unë jam karma jote", duke ndezur spekulimet se Minaju po dërgonte një mesazh reperit dhe kompanisë së tij menaxhuese, Roc Nation.
Brenda pak orësh, postimi u bë viral dhe nxiti debat në rrjete sociale. Burime pranë këngëtares thanë për mediat se ajo është ndjerë e frustruar prej muajsh, duke akuzuar Roc Nation se po përpiqet ta pengojë në karrierë.
Pak pas incidentit me Instagramin, Minaj ndau gjithashtu një video të Demoree Hadley, vajza e CEO-së së Roc Nation, Desiree Perez, e cila fliste për një padi federale ndaj Perez, e akuzuar për përdorim të ligjeve të Floridës (Baker dhe Marchman Act) për të ndaluar vajzën e saj pa arsye të justifikuar.
Në një postim tjetër, Nicki shprehu zhgënjimin e saj ndaj industrisë muzikore, duke thënë se artistët e rinj përballen me vështirësi të mëdha.
Ajo theksoi se zëra të pavarur shpesh heshtën për shkak të agjentëve të industrisë, duke i paralajmëruar fansat të qëndrojnë të vëmendshëm ndaj asaj që ndodh pas kuintave.
