Kim Kardashian ka dalë në mbrojtje të vajzës së saj, North West, pas debatit që shpërtheu në rrjet për pamjen e saj më të fundit në TikTok.
North, 12 vjeç, u shfaq me tatuazhe false në fytyrë, së bashku me disa nga shoqet e saj, në disa video të publikuara në llogarinë e përbashkët të saj me Kim-in fundjavën e kaluar. Pamjet u bënë virale dhe shkaktuan reagime të shumta nga ndjekësit.
Media Daily Mail Australia publikoi një video me titullin “North West, 12, shqetëson fansat me pamjen e re”, ndërsa shumë komente kritike u shfaqën poshtë saj:
“Pse nuk vishesh për moshën që ke?”, “Ajo është vetëm 12 vjeç!” dhe “Kjo është e trishtueshme,” ishin disa prej reagimeve.
Në seksionin e komenteve të TikTok-ut, nga llogaria e përbashkët @kimandnorth, erdhi përgjigjja e shkurtër:
“Kjo është një çështje krejtësisht e parëndësishme .”
Kardashian, e cila ka katër fëmijë — North, Saint, Chicago dhe Psalm — me ish-bashkëshortin Kanye “Ye” West, foli së fundmi për stilin e vajzës së saj në podcastin “Call Her Daddy” më 15 tetor.
“Ajo është shumë e pjekur në një aspekt. Më thotë: ‘Mami, s’më intereson që nuk i pëlqejnë flokët e mi blu apo diçka tjetër,’” tha Kim, duke shtuar: “North është shumë e sigurt në vetvete.”
Kjo deklaratë erdhi disa javë pasi Kim u kritikua për lejimin e North-it të mbante një piercing dermal në gishtin e mesëm, gjatë një udhëtimi në Romë në shtator.
