Partia Demokratike ka denoncuar abuzimet me fondet publike në Bashkinë e Tepelenës. Përmes një deklarate zyrtare, zëdhënësia e Antikorrupsionit të PD-së, Genta Vangjeli tha se kandidati i Partisë Socialiste Gramos Sako tha se ka përfituar miliona euro nga fondet publike.
Vangjeli tha se kompania "2T shpk’", në pronësi të vëllait të Gramos Sakos, rezulton sipas Spending Data të ketë përfituar rreth 103 milionë euro nga kontratat publike. Sipas zëdhënëses të PD-së vetëm nga Bashkia Tepelenë, kjo kompani ka përfituar 1.8 milionë euro për projektet e ujësjellësit në Salari, Nivicë, Rexhinë dhe Peshtan.
Gjatë deklaratës së saj, ajo tha se banorët e zonës denoncojnë mungesën e ujit në Salari dhe Rexhinë, ndërsa në Peshtan ujësjellësi nuk funksionon prej 5 vitesh. Në fund, Vangjeli tha se PD i kërkon SPAK të hetojë mbi këtë rast, pasi sipas tyre është abuzim me fonddet publike.
