Vetëm pak ditë pasi u fotografuan duke ecur dorë për dore në rrugët e Parisit, një burim nga politika kanadeze i tha revistës PEOPLE se lidhja mes Katy Perry dhe Justin Trudeau “është mjaft serioze dhe po ecën në atë drejtim”.
“Ata janë shumë të lidhur dhe po përpiqen të kalojnë sa më shumë kohë së bashku,” shtoi i njëjti burim. Thashethemet për romancën nisën në korrik, kur këngëtarja 41-vjeçare dhe Trudeau, 53, u panë në një darkë intime në Montreal.
Më pas, në fillim të tetorit, ata u fotografuan duke u puthur në një jaht në brigjet e Santa Barbarës, ndërsa së fundmi festuan ditëlindjen e Katy në Paris, më 25 tetor.
Çifti u pa duke buzëqeshur dhe shtrënguar duart teksa hynin në kabarenë ikonike Crazy Horse Paris, ku, sipas dëshmitarëve, “nuk e ndanin dot shikimin nga njëri-tjetri”.
Një burim tjetër i afërt me këngëtaren i tha PEOPLE më 27 tetor se, ndonëse Perry është aktualisht në mes të turneut të saj botëror “Lifetimes World Tour”, Trudeau “ka bërë përpjekje të mëdha për ta takuar kudo që ajo ndodhet”.
“Katy është e mahnitur nga përkushtimi i tij,” shtoi burimi. “Ai i tregon vazhdimisht që kujdeset dhe që e vlerëson shumë lidhjen e tyre — dhe ajo ndjehet e lumtur, në një fazë të re të jetës.”
Një tjetër burim tha se “Katy nuk e priste të dashurohej kaq shpejt, por Justin i plotëson të gjitha kriteret – është i sjellshëm, me humor dhe e respekton.”
Kjo është lidhja e parë publike e Perry-t pas ndarjes nga Orlando Bloom, me të cilin kishte një marrëdhënie nëntëvjeçare dhe një vajzë pesëvjeçare, Daisy. Dyshja i dhanë fund fejesës në qershor 2025. Nga ana tjetër, Trudeau është ndarë nga bashkëshortja e tij, Sophie Grégoire, në vitin 2023, pas 18 vitesh martesë. Ata kanë tre fëmijë së bashku.
