Zyra e prokurorit të Larisës i ka dërguar Pano Ruçit një njoftim 10-ditor për t'u paraqitur dhe për të dëshmuar, në lidhje me llojin e analizave që ai dëshiron në trupin e të birit. Urdhëri u shpall sot në zyrën e Zoe Konstantopoulou, e cila është avokatja e Pano Ruçit.
Mediat greke shkruajnë se në rast se ai nuk përgjigjet, Prokuroria e Larisës do të konsiderojë që Ruçit, ka hequr dorë nga çdo mundësi ose kërkesë e mëtejshme për ekzaminime mbi trupin e Denis Ruçi, i cili u vra në Tempi. Në këtë rast, procedura do të vazhdojë, bazuar në urdhrat dhe udhëzimet e mjekut mjeko-ligjor kompetent. Kjo ka të bëjë edhe me kryerjen e zhvarrimit.
