CR7 tregon pse Georgina është gruaja e jetës: "Burrat nuk merren me këto gjëra”

Cristiano Ronaldo më në fund i ka kërkuar të dashurës së tij prej shumë vitesh, Georgina Rodriguez, që ta marrë për grua. Data e dasmës ende nuk është caktuar, por kampioni 40-vjeçar dëshiron ta çojë në altar, pa mëdyshje, gruan e jetës së tij. Te Georgina, sulmuesi portugez ka gjetur gjithçka që kërkon tek një grua: nuk bëhet fjalë për aspekte të jashtme, por për diçka që i ngjan një përkushtimi të plotë — të paktën duke gjykuar nga fjalët e Ronaldos gjatë intervistës me Piers Morgan. Ish-shitësja e “Gucci”, që është me Cristianon prej gati 10 vitesh, përshkruhet prej tij si një “engjëll i shtëpisë”, me një vizion që, në të vërtetë, duket sikur vjen nga një e kaluar shumë e largët.

 

View this post on Instagram

 

A post shared by Georgina Rodríguez (@georginagio)

Rrëfimi i CR7

“Çfarë ka ajo që e bën kaq të veçantë për ty?”, e pyet miku i tij Piers. Ronaldo përgjigjet hapur, pa rrotulla: “Ka shumë cilësi që i dua, besoj se është unike në mënyrën si kujdeset për mua, gjë shumë e rëndësishme. Kujdeset për familjen, kujdeset për shtëpinë, që kërkon shumë punë. Nëse ajo do të dëshironte ndryshe, unë nuk kam ndërmend të merrem me këto gjëra. Burrat nuk mund të merren me to, sinqerisht.”

Lexo më tej: Gjëja më e shtrenjtë që ka blerë C. Ronaldo, kushton 50 milionë: “Kam nevojë për të”

Ronaldo vazhdon të lavdërojë 31-vjeçaren argjentinase, duke shpjeguar se edhe familja e tij është shumë e lumtur: “Ajo është e veçantë për mua, sepse përveç cilësive të saj, trupit të bukur dhe gjithçkaje tjetër që më pëlqen, është një person që më kupton dhe kujdeset për mua dhe për familjen time. Kjo është ajo që kërkoj. Është diçka që, mendoj, është e mirë për gjithë familjen time — edhe për nënën, vëllanë, motrat e mia. Mendoj se janë të gjithë të lumtur, sepse shohin që tani jam i fejuar.”

"No soy un tipo romántico... ¡pero soy romántico a mi manera!" Ronaldo da un relato detallado de su propuesta de matrimonio a Georgina Rodríguez, que sucedió con la ayuda de sus hijas. Ver más 👇 pic.twitter.com/DekoHGl2Ox

— Alicanuchi (@Alicanuch) November 4, 2025

Sa i përket datës së dasmës, e vetmja gjë e sigurt është se Georgina do të duhet të presë edhe pak për të dëgjuar “po”-në zyrtare të Ronaldos: “Një datë ende s’kemi, por kemi planifikuar të martohemi pas Botërorit… me trofeun,” – thotë Cristiano me shaka (por jo krejtësisht) mbi mundësitë e Portugalisë për ta fituar atë. “Nuk kemi menduar ende për vendin, sepse ajo nuk është person që i pëlqejnë festat e mëdha. Nuk i pëlqejnë, i pëlqen intimiteti. Prandaj do t’i respektoj zgjedhjet e saj.”