Lapsi Video

Aplikacioni

Android iOS
Flash

Në sfidën në kushte apokaliptike, Rodríguez shënoi një nga golat më të bukur të vitit

Lapsi.al 10 November 2025
Në sfidën në kushte apokaliptike, Rodríguez shënoi
Në një natë si në film, mes dëborës dhe acarit, Atlético Ottawa fitoi titullin e tij historik të parë në Canadian Premier League, duke mundur 2-1 pas shtesave Cavalry FC të Calgary. Për të vendosur finalen, e luajtur në kushte pothuajse të papërballueshme në TD Place Stadium, ishte David Rodríguez, autor i një dopiete dhe i golit të paharrueshëm të fitores në minutën e 106-të. Ndeshja, fillimisht e shtyrë për shkak të reshjeve të dendura të dëborës, kërkoi ndërhyrjen e dhjetëra punonjësve të armatosur me lopata dhe makina bore për të pastruar fushën. Edhe disa lojtarë kontribuan që terreni i lojës të bëhej i përshtatshëm, ndërsa altoparlantët e stadiumit u bënin thirrje tifozëve të ngrirë të mos hidhnin topa bore në fushë. Temperaturat zbritën deri në -8°C.

Ottawa kampione në stuhi: Atlético fiton CPL mes dëborës, acarit dhe magjisë së Rodríguez

Cavalry FC kaloi në avantazh në minutën e 32-të falë një penalltie të shndërruar në gol nga Fraser Aird, por Rodríguez u përgjigj pak minuta më vonë me një roveshatë spektakolare që barazoi gjithçka. Pas 90 minutash të luftuara dhe të ngadalësuara nga dëbora, shtesat sollën momentin më të pritur: Rodríguez, i shërbyer nga një top i gjatë i Manny Aparicio, mposhti portierin Marco Carducci me një parabël të saktë, duke i dhuruar Ottawës triumfin dhe North Star Cup. “Kjo ishte nata ime, nuk do ta harroj kurrë,” deklaroi Rodríguez, pas ndeshjes, dukshëm i emocionuar. “Jam mirënjohës ndaj shokëve të skuadrës dhe trajnerëve, luftuam deri në fund.” Për Atlético Ottawa, të lidhur me klubin spanjoll Atlético Madrid, ky është suksesi i parë kombëtar pas finales së humbur në vitin 2022 kundër Forge FC. Cavalry, kampione në fuqi, u detyrua të dorëzohej përballë entuziazmit dhe vendosmërisë së vendasve, të cilët e shndërruan një stuhi bore në një natë lavdie të jashtëzakonshme.

Të këshilluara

ide

Kriza jonë e trefishtë tashmë ka emër

Edi Rama është sot mishërimi, edhe pse jo shkaku i vetëm, i krizës së përfaqësimit politik. Askush më shumë se ai nuk punuar për të ndërtuar një parti dhe një sistem politik në shërbim të kryetarit dhe jo të qytetarit

09:49 Blendi Kajsiu

Si po e çon Rama vendin drejt përplasjes civile

Insistimi në dhunë, në armatosje të civilëve, në pagesa të policëve si të ishin mercenarë, vetëm paqe nuk pjell. Frika e Edi Ramës se ku do të përfundojë kur të mos jetë kryeministër nuk ka pse të bëhet makthi i Shqipërisë

15:20 Armand Shkullaku

MOTI TIRANA

17°c

KËMBIMI EURO

90.74

aktuale

Ndiqe Lapsin edhe në

Me interes nga publiku

Me sytë katër

SPORT

Të tjerë artikuj

PAPARAZZI