Khloé Kardashian ka zbuluasë fundmi incidentin me ish-bashkëshortin Lamar Odom.
Gjatë episodit të ri të podcast-it të saj Khloé in Wonder Land, Khle tha se Odom, në një moment paranoje,dogji dhjetëra fletore ku ajo kishte shkruar për vite me radhë.
“Ai ishte shumë paranojak. Po i lexonte dhe ishte i bindur se po merrja shënime për t’ia dërguar qeverisë,” tregoi Khloé. “I hodhi të gjitha në zjarr, përpara syve të mi. Mbaj mend që qaja. Ishin vite nga jeta ime.”
Khloé pranoi se nuk ka shkruar më ditar që prej atij incidenti, duke thënë se përvoja e frikësoi aq shumë sa nuk do të rrezikojë të ndodhë sërish.
Khloé dhe Lamar u martuan në vitin 2009, por u ndanë në 2013. Divorci u finalizua vetëm në 2016, pasi ajo e shtyu procedurën për ta ndihmuar ish-basketbollistin të rikuperohej pas mbidozës së tij pothuajse fatale.
Në podcast, Khloé ka folur shpesh për marrëdhënien e tyre, për tradhtitë e tij dhe periudhat e errëta me varësinë.
Së fundmi, në The Kardashians, dyshja u takuan për herë të parë pas nëntë vitesh. Ata biseduan hapur për gabimet e së kaluarës dhe u larguan në paqe. “Ndihesha e lehtësuar,” tha Khloé. “Ishte si një pjesë e procesit tim të shërimit.”
