Kryetari i Partisë Demokratike, Sali Berisha, ka hedhur akuza të reja lidhur me çështjen e Belinda Ballukut dhe hetimin e saj nga SPAK.
Sipas Berishës, gjatë një debati 7-orësh mes Belinda Ballukut dhe kryeministrit Edi Rama në zyrën e këtij të fundit, Balluku ka kërkuar me insistim që të mos emërohet askush tjetër në vendin e saj.
“Më jep kohë, se e zgjidh vetë në Gjykatën e Lartë”, i ka thënë Balluku kryeministrit, sipas denoncimit të kreut demokrat.
Berisha pretendon gjithashtu se drejtuesja e Shërbimit Informativ Shtetëror, Vlora Hyseni, është vënë plotësisht në krah të Belinda Ballukut për të mbrojtur pozicionin e saj.
"Breaking News!
Veshi i mureve informon:
Vlora Hyseni në krah të Lubisë!
Në debatin 7 orësh përveç të tjerash Lubia ka kërkuar me insistim: “Më jep kohë se e zgjidh vetë në Gjykatën e Lartë, mos emëro dikë tjetër në vendin tim”. Lidhja e Lubisë me Gjykatën e Lartë është Vlora Hyseni (SHISH). Pyetja eshte: a ka ndërhyrë tek 5 gjyqtare të GJL personalisht SHISH për të favorizuar Llagamin me porosi të KM duke i shantazhuar? A do përdorë këtë shantazh dhe për Belen?", shkruan Berisha.
