Situata nga moti i keq vazhdon të jetë problematike në disa zona të vendit. Policia e Shtetit ka bërë apel për kujdes për të gjithë. Në Komisariatin e policisë Berat janë shoqëruar 3 persona që janë futur në lumin Osum me kanoe gjatë motit të keq. Ata kanë rrezikuar jetën.
Drejtori i Përgjithshëm i Policisë së Shtetit ka urdhëruar shërbimet policore të ndalojnë menjëherë ata shtetas që, në këto kushte ekstreme, ku lumenjtë kanë prurje të mëdha, ushtrojnë aktivitete rafting , si dhe të sekuestrojnë mjetet e lundrimit.
