Britney Spears ka shkëputur çdo kontakt me të afërmit e saj, ndërsa sjellja e saj e fundit po ngjall gjithnjë e më shumë shqetësim. Pas fotos ku u pa teksa dilte nga një wine bar me një gotë shampanje në dorë, këngëtarja thuhet se ka është distancuar nga familja dhe miqtë.
“Britney nuk kthen mesazhe, nuk hap telefonin dhe as nuk lexon DM-të,” tha një familjar për Daily Mail. “Është shumë frustrim, sepse duam thjesht të sigurohemi që ajo është mirë dhe po kujdeset për veten. Por ajo nuk do të ketë asnjë kontakt me ne.”
Një tjetër burim shtoi se “sjellja e saj është shqetësuese” dhe se po ngre shumë flamuj të kuq, ndërsa të afërmit nuk dinë çfarë të bëjnë më tej. Megjithatë, një burim i tretë mbrojti Spears, duke thënë se ajo “nuk ka asnjë ngut që të rikthehet te familja që po përpiqet ta kontaktojë”.
Ata planifikojnë të provojnë sërish javën e ardhshme dhe, nëse nuk funksionon, do të bëjnë një përpjekje të madhe për t’u afruar me të në ditëlindjen e saj më 2 dhjetor.
Pak ditë më parë, Spears u fotografua duke dalë nga Stonehaus Winery në Kaliforni me një gotë në dorë, para se tia dorëzonte punonjësit të lokalit. Pavarësisht fotove, ekipi i saj këmbënguli se këngëtarja nuk kishte konsumuar alkool. Ajo vetë më pas shpërtheu në Instagram duke thënë se paparacët i marrin “fotot më të këqija të mundshme” dhe se nuk mund të dalë askund pa u ndjekur.
Familja e Spears është shqetësuar prej muajsh, sidomos pasi ish-bashkëshorti Kevin Federline publikoi kujtimet e tij, ku e akuzon për tradhti dhe abuzim me substanca — pretendime që ajo i ka mohuar plotësisht, duke e akuzuar Federline për “gaslighting”.
