Flamurtari nuk ka arritur të dalë me tre pikë nga sfida ndaj Vorës, duke u ndalur në një 1–1 që rëndon edhe më shumë situatën e ekipit kuqezi në renditje. Vlonjatët, që e nisën takimin me objektivin e qartë për të marrë fitoren për shkak të pozitës së tyre të rrezikshme në klasifikim (vetëm 10 pikë), nuk ia dolën të shfrytëzonin fushën e tyre. Zhgënjyese të dhënat për teknikun Moriero, që në tre ndeshje radhazi në shtëpi kundër rivalëve direkt, mori vetëm një fitore e dy barazime.
Dy gola dhe një karton i kuq
Pjesa e parë dha të gjitha emocionet kryesore. Todoroski zhbllokoi ndeshjen në minutën e 34’, por vetëm katër minuta më pas Kasalla riktheu baraspeshën për Vorën. Po në minutën 34, tensionet mbërritën kulmin: drejtori sportiv i Vorës, Bazjon Tragaj, u ndëshkua me karton të kuq nga arbitri Kreshnik Barjamaj, pas një përplasjeje verbale në distancë me tifozët vlonjatë. Ky incident ndezi edhe më shumë atmosferën në stadium.
[video width="648" height="360" mp4="https://cdnimpuls.com/lapsi.al/wp-content/uploads/2025/11/692b1af091eaf.mp4"][/video]
Shumë dyluftime, zero raste
Pas pushimit, loja u shndërrua në një sfidë fizike, me ndërhyrje të forta dhe ritëm të copëzuar. Asnjëra skuadër nuk arriti të gjente golin e avantazhit, ndërsa për Vorën ky rezultat në transfertë konsiderohet pozitiv, duke marrë parasysh presionin dhe atmosferën e nxehtë të Vlorës. Flamurtari mbetet i parafundit, 3 pikë nga zona playout.
Lexo më tej: Dinamo ngec sërish, Egnatia triumfon ndaj Tiranës që vijon rënien
[video width="644" height="360" mp4="https://cdnimpuls.com/lapsi.al/wp-content/uploads/2025/11/692b1c45bec70.mp4"][/video]
Arjan Bellai: “Ndryshuam lojën të detyruar”
Trajneri i Vorës u shpreh pas sfidës: “Nuk e kishim përgatitur aspak ndeshjen me topa të gjatë. Por kur pamë gjendjen e fushës dhe riskun në kthimin e topit te portieri apo anësorët, ndryshuam urdhër: nën presion topi duhej çuar përpara. Ato rastet që u përpoqëm të ndërtonim, nuk i bëmë mirë. Ekipi ishte shumë i zgjatur.”
Francesco Moriero: “Na mungojnë shumë lojtarë”
Tekniku i Flamurtarit analizoi situatën e ekipit: “Ky kampionat është i vështirë, çdo ndeshje ka detajet e veta. Me Tiranën bëmë gabime dhe pësuam gol, e njëjta gjë ndodhi edhe sot. Djemtë dhanë gjithçka, por kemi mungesa të rëndësishme. Realiteti është ky. Duhet forcë dhe kurajo për të dalë nga kjo situatë.”
