Policia e Gjirokastrës ka goditur një rast të shpërndarjes së narkotikëve, duke arrestuar tetë persona dhe duke ndaluar dy të tjerë për veprën penale “Prodhimi dhe shitja e narkotikëve”. Të arrestuarit janë Mihal Llavdaniti, Klajdi Rondo, Dorian Alikaj, Meteo Rondo, Alsid Cani, Armand Majko, Arben Puleri dhe Mikel Novi. Ndërsa të ndaluarit janë Dëfrim Rondo dhe Xhuljano Guma.
Gjatë operacionit policia sekuestruar një kilogram e 82 gramë kokainë dhe një sasi kanabisi të ndarë në doza, gati për shitje. Gjithashtu janë konfiskuar një armë gjahu, një pistoletë sportive, një armë e ftohtë (thikë), një aparat metal-kërkues, municion, dy palë targa automjeti, 3,970 paketa cigare pa pullë fiskale, 4,850 euro dhe 17 telefona celularë.
