Në ndeshjen e fundit të javës së 13-të të Serie A, Napoli fiton në transfertë në Romë duke mposhtur 1-0 verdhekuqtë dhe duke u bashkuar me Milanin në krye të renditjes. Në “Olimpico” ndeshja ndizet që në minutat e para me një Napoli më ofensiv, por është në momentin më të mirë të Romës që njerëzit e Contes kalojnë në avantazh me një kundërsulm të menjëhershëm në boshtin Neres - Hojlund, me brazilianin që në minutën e 36-të shënon 0-1 pavarësisht polemikave verdhekuqe (për faullin e Beukema-s ndaj Koné në nisje të aksionit).
Në pjesën e dytë Gasp provoi t’u ndryshojë fytyrë të tijve, por pa arritur të gjejë çelësin e duhur për të kapur barazimin. Në finale është një super refleks i Milinkovic-Savic që shpëtoi Napolin, me portierin që neutralizoi një gjuajtje të rrezikshme të Baldanzi. Më pas, të kaltrit mbyllen mirë në mbrojtje duke arritur të marrin tre pikë të çmuara për klasifikimin.
Lexo më tej: Inter nuk gabon në Pisa. Lautaro dygolësh, arrin Mazzola: "Fjalët ja lë atyre jashtë"
Natë magjike. Natë luanësh. Natë në shenjën e Napolit dhe të Antonio Contes. Me një gol me stil të bukur të Neres në pjesën e parë, të kaltrit marrin skenën dhe tre pikët në “Olimpico”, duke mundur Romën dhe duke u rikthyer në krye të renditjes bashkë me Milanin me 28 pikë. Një goditje me vlerë të jashtëzakonshme në fund të një ndeshjeje shumë të luftuar, në të cilën miqtë tregojnë cilësi dhe kompaktësi, ndërsa shumë gabime në kombinime nga ana e verdhekuqve zerojnë përpjekjet për të rregulluar sfidën e titullit në pjesën e dytë.
