Pas rikthimit të saj në Instagram më 7 nëntor, Britney Spears ka publikuar së fundmi një video ku shfaqet duke kërcyer me këngën “Send My Love (To Your New Lover)” të Adele.
Në postimin e parë, Spears shkroi se reflektimi është i rëndësishëm dhe se sfidat e jetës shpesh sjellin rritje. Ajo ndau një mesazh të fortë për rëndësinë e ruajtjes së “fëmijës së brendshëm”, duke theksuar se ky aspekt i ndjeshëm i shpirtit duhet të flasë veçanërisht në momente të vështira.
Këngëtarja foli gjithashtu për dhimbjen, humbjen dhe transformimin emocional – duke i bërë një referencë të dukshme autobiografisë së saj The Woman in Me. Spears tha se përmes vuajtjes mund të lindin gjëra të bukura që i ndihmojnë të tjerët të ndihen të kuptuar.
Në fund të postimit, ajo pranoi me humor se e kishte tepruar me ushqimin gjatë festës së Falënderimeve.
Të nesërmen, më 30 nëntor, Spears e redaktoi caption-in, duke e reduktuar në një mesazh shumë më të thjeshtë ku shprehej se ndihej bukur në kostumin e banjës që kishte veshur në video.
Ky postim vjen pas rikthimit të saj në Instagram, pasi ajo e kishte çaktivizuar llogarinë më 2 nëntor gjatë debatit publik me ish-bashkëshortin Kevin Federline dhe publikimit të librit të tij You Thought You Knew. Përfaqësuesit e këngëtares reaguan më parë ndaj pretendimeve të tij, duke theksuar se Spears kujdeset vetëm për mirëqenien e dy djemve të saj.
