Miley Cyrus dhe muzikanti Maxx Morando janë fejuar, konfirmon Page Six.
Thashethemet nisën teksa çifti shkëlqeu në tapetin e kuq të premierës botërore të filmit “Avatar: Fire and Ash” në Los Angeles, ku Cyrus u paraqit me një unazë diamanti.
Më vonë u konfirmua se bizhuteria është një gur “cushion-cut” i vendosur në një unazë ari 14-karatësh, e punuar posaçërisht nga dizajnerja Jacquie Aiche.
Konfirmimin përfundimtar e dha babai i Maxx-it, Dan Morando, i cili publikoi foto nga një festë private familjare, ku shihej qartë unaza dhe çifti duke festuar me të afërm e miq.
Cyrus, e cila ka qenë më parë e martuar me aktorin Liam Hemsworth (2018–2020), u pa për herë të parë me unazën në nëntor. Këngëtarja e ekspozoi sërish bizhuterinë gjatë festës së ditëlindjes së saj të 33-të javën e kaluar.
Lidhja e Cyrus dhe Morando nisi rreth katër vjet më parë, pas një “blind date”, siç ka treguar vetë artistja për British Vogue.
Që prej atij momenti, dyshja janë shfaqur shpesh së bashku, përfshirë Grammy-t 2024, ku Cyrus fitoi dy çmime dhe i dedikoi suksesin “dashurisë” së saj.
