Qeveria ushtarake e Burkina Fasos, e udhëhequr nga kapiteni Ibrahim Traoré, ka rivendosur zyrtarisht dënimin me vdekje, duke miratuar një kod të ri penal, që parashikon këtë masë ekstreme për veprat e “tradhtisë së lartë”, “terrorizmit” dhe “spiunazhit”.
Vendimi, i cili shënon një kthesë të rëndësishme në politikën e drejtësisë në vend, vjen në një kohë të tensionuar politike dhe pas rritjes së kërcënimeve terroriste në rajonin Sahel. Dënimi me vdekje nuk kishte qenë në fuqi në Burkina Faso që nga viti 2018, kur vendi kishte pezulluar zbatimin e tij.
Qeveria e kapiten Traoré ka theksuar se masa synon të forcojë sigurinë kombëtare dhe të frikësojë ata që mund të tentojnë aktet më të rënda kundër shtetit.
Analistët ndërkombëtarë, megjithatë, paralajmërojnë se rikthimi i dënimit me vdekje mund të përkeqësojë situatën të të drejtave të njeriut dhe të rrisë izolimin ndërkombëtar të vendit.
